Capo de' Macaroni, l'è uno dei tre Lunàri de La Rena Domila 2025 che ne parla de la storia del carneàl de Verona. Ogni mese gh'è 'na foto o una stampa (che podì catàr anca nel libro de Andrea Toffaletti e Alverio Merlo "Verona e il suo Carnevale") co' el sire, conossù prima del 1866 come Capo 'de Macaroni o Macarón Magiór. Solo a la fine del '800 i macaroni i g'a ciamà el so capo "Papà del gnoco". Un qualcosa de unico che ve invitèmo a descargàr e stampàr. Su ogni foio de carta in formato A4 ghe stà du mesi, defàti, l'è stà studià par consumàr manco vinciòstro de la vostra stampante e 'verghe un qualcosa de unico da tacàr via, in cusina, in sala o in ufissio sensa ocupàr tanto posto. Descarga, tanto l'è a gratis! Tra pochi giorni i altri du lunari, co' l'Omosignapola e le foto d'autor su Verona. (El Diretòr 18.11.2024)
