LA RENA DOMILA - DAL 1999 EL SITO VERONESE DEI VERONESI IN VERONESE

Da Barçelona, Umberto par i amiçi Berti e Silvàn i ne porta a far quatro passi ne la cultura catalàna e tra le strade de la çità. Le curiosità iè tante e soratuto se impara qualcosa de novo stando sentà a casa. Se par caso volì far un salto in Catalogna, i nostri amiçi ve speta par far quatro ciàcole.....

A disposissión par tuti i amici de La Rena Barçelona le informassioni utili par vegnar qua: Venite a CATarci. Nojaltri ve disemo indoe podí catàr le informassioni, vojaltri ve preparé el viagio, ve organizé e ve fasí tuto el resto. La parola d’ordine l’è: un pò de quel che se ghe dise... rangìve! Nojaltri ve demo la nostra disponibilità par andàr a béar quatro goti e far quatro ciàcole quando si rivé.

Prima de tuto me piazarea specificàr che el catalàn no l'è mia un dialeto del spagnolo (che el se ciama "castigliano"), ma una lengua co i so dialeti. In Spagna ghe quatro lengue oficiali: castigliano, catalan, gallego, basco. Par scominsiar comincemo con quatro parole che ne fa capir che i dialèti de le lengue neolatine i se someia e che el catalàn el ghe someia anca al veronese:

Quel che te devi conòssar su la cultura catalana, quanto le grande el teritorio, l'ino nassionàl e altre curiosità che pol servirTe par capìr meio la Catalogna. No l'è solo 'na parte de la Spagna, l'è molto de più de quel che te credi. La rubrica la pol darTe 'na man.