El Sire del carneàl veronese
El vestito del Sire e...... Vardémo el vestito in tuti i so particolari e un poche de cuiosità storiche. Secondo i studiosi el primo Pulcinella el ghe someiàva al nostro sire come dimostrà dal pitòr Marcola, ma come èlo possibile? Ma semo sicuri che el vero protagonista de la festa l'è sempre stà el Papà del Gnoco? Ma quante curiosità catémo in poche righe!
| // Podarìa interessarte |
| Museo + Origini + Corteo + La Funsión + El Sire + Curiosità + Tre Màscare + Libro |
EL VESTITO DEL SIRE
 El vestito del Sire Par vestirse ghe vol almanco 'na mes'ora co' l'aiuto de un cerimoniere. Quando vedémo sfilàr el Papà del Gnoco con in testa el capél e indosso el so vestito àvorio e rosso, tegnendo in man el piròn, no podémo gnanca pensàr quali particolari se sconde drio. Misure Se parte dal 54 par i «magri» che no i pesa più de 80 chili al 64 par quei che no i supera i 110 chili. Ne la sede del Bacanàl a Porta San Zén i è conservà almanco 'na diésìna de vestiti da sire realisà a Milàn da la casa d'arte Fiore. Quando un candidato deventa sire o va a cromparlo da un sarto o el ciapa quél che ghe vién dato, parò no deventando paròn e a fine serata el deve portarlo da novo in custodia. El costo l'è de sora ai 5000 euri La pànsa El vestito come dito l'è 'na cromia de colori da l'avorio al rosso: denànsi, sora el cussìn che fa la pansa de la bondànsa" anca ai candidati più magri inpicà, gh'è la pansa con i botoni dorà, che soto la gola vién serà con un "foulard", mentre sui orini (orli) sia de la giaca che de le braghe, finisse con un "pizzo" ricamà e vari campanéi: 12 par gamba e un pochi sul fondo de la giachéta. Dal tabàr Da la schéna sbusàndo el tabàr rosso de "pannolenci" fodràdo de raso bianco, vién fora "el macarón".che ricorda la distribussión del 1531 El capèl No l'è facile da realisàr e g'a la forma de un baldachìn colorà da andòe vién zò perline e strasse de ogni tipo e l'orìn dorà. Par ci no le savesse rapresenta el palco che in passà vegnéa posissionà a San Zén par la distribussión dei gnochi a la popolassiòn. I 5 nastri colorà che vién zò par de drio i rapresenta i 5 rioni de Verona nel XIII secolo. Le scarpe Le scarpe i è bianche, con sora du batòcoli rossi de lana, istesse a quele de l'Abate de San Zèn,  un tempo tre le Abassie più potenti del Nord ItaliaEl pirón El "scettro" conossù come «piròn col Gnoco», una "forchetta" che ne indica la distribussión dei gnochi volù da Tomaso Da Vico e come dise el proérbio «Porta Gnoco sul piròn, sempre alegro mai passión». La barba e i cavéi L'è fata in lana de bùfala, la deve èssar lavà e petenà; la costa almanco domila euro. I finti cavéi un tempo i vegnéa confessionà da la storica botéga de corso Porta Borsari. |
EL SIRE PRIMA DEL '900
 El sire prima del '900 «Nel tempo el vestito de la màscara l'è cambià solo in parte. Se vardémo le pitùre del '700 del grande Marco Marcola (da colessión privata), el Papà del Gnoco l'era vestì con una specie de tuta intièra de colòr avorio con davanti oto botoni grossi come batòcoli e g'avéa el capél fato a cono. Anca la barba l'era diversa: del tipo venessiàn, a ponta, come quéla de Pantalòn, sensa contàr el grosso naso finto». El primo Pulcinella l'era veronese? Nel XIII° secolo, catèmo el dissendente de Reboano dalle Carceri,  un çerto Ponzinella (da ponzìn). L'a barufà e piantà casini co' Coradìn I° e Mastino De la Scala, par 'sto motivo l'è stà parà via da Verona. Par el so modo de far, l'era conossù ne le principali Corti del tempo. Se vardémo i dipinti del Marcola se vede che ghe somèia ben. |
| // Podarìa interessarte |
| Museo + Origini + Corteo + La Funsión + El Sire + Curiosità + Tre Màscare + Libro |