LA RENA DOMILA - DAL 1999 EL SITO VERONESE DEI VERONESI IN VERONESE

In questa scheda, tante iè le curiosità, le mura de la çità, la storia dei Scaligeri, Giulieta e Romeo e la Verona Jerusalem. Se parte da la storia romana passando piàn piàn par miti e fole par finìr el viàio ne la femèja Scaligera. Con domila ani de storia gh'è tanto da contarVe, questa l'è solo una guida che pol èssarVe d'aiuto par scominsiàr le Vostre riçerche, almanco g'avì un idea. Un salto podì falo in bilioteca civica o quela capitolàr, de libri ghe n'è e de valòr. Buta un ocio a la scheda.....

Le mura
Le prime mura costruide i è sta in epoca romana (prima metà del I sec.a.C.). Le partìa da la riva sinistra de l'Adese arente al'Arx (antico edificio romano 'ndoe 'desso gh'è el Castel S.Piero). Dal punto più alto de la colina, partìà le mura, una a ponente del ponte Piera e l'altro a levante del ponte Postumio. Se pòl notàr ancora Porta Leoni, Porta Borsàri (Porta Iovia) e segni de mura de via Diaz e via Leoncino. Nel 265, Galieno par difèndar la çità dai Barbari, l'avea costruì altre mura così da riparàr anca La Rena. Tochi e resti de ste mura se pòl 'edarle ancora de drio a La Rena, Via Diaz, via Cantore e in vicolo San Mateo. Mura romane rifate anca da Teodorico (vedi iconografia Rateriana). Nel XI sec. re Arduino l'avéa fato costruir el vecio muro de Campo Marso. Nel XII sec.altre mura le partìa dal ponte Castelvecio andando verso via Adeséto finendo vissin al Ponte Aleardi. sucessivamente rafforsade da Eselìn da Romàn. In epoca Scaligera Alberto e Cangrande dela Scala iè riussì a sgrandàr el perimetro difensivo comunàl e infine Gian Galeazzo Visconti l'à costruido la Citadela e rinforsà Castel Teodorico con diese tori colegandolo con le mura de Cangrande. nela foto i Portoni dela Bra





I Scaligeri De la Scala
Cosa pol çentràr la nostra çità con Gerusaleme? Al Ritorno da le Crociade, se parla de 600-700 ani fa....i reduci i-avéa pensà de ciamàr alcuni punti çitadini con nomi de loghi Sacri dela Tera Santa. Tra Castel S.Piero e la Fontana de Fero gh'è la cesèta de S.Maria de Nazareth, 'ndoe gh'è l'istituto Don Calabria gh'è la cesèta de S.Maria in Betleme (el nome atuàl dela zona l'è S.Zen in monte), el S.Sepolcro l'è 'ndoe gh'è la cesa de S.Toscana a Porta Vescovo, el Monte Calvario l'era sora a Quinsàn (Monte Cavro) mentre el Monte Oliveto l'è 'ndoe gh'è la cesa dela SS. Trinità. Nel "Sigilo" çitadìn del 1439 vien ricordà adiritura che Verona l'era una "Gerusaleme minore". Par molti Verona l'è una Roma piassé picenina, altri i dise Firense, ma podémo dir anca Gerusaleme!





Giulieta e Romeo
Giulieta e Romeo, i era du butèi che i se voléa gran ben, ma le do fameje quela dei Capuleti (Giulieta) e quela dei Montecchi (Romeo), no le se vedéa de bon ocio par via de vecie storie e no le voléa che sti du inamoradi i se frequentasse. A la fine Giulieta e Romeo iè morti nel tentativo de realisàr el sò sogno. Questa storia la vien posissionà intorno al 1303, quando gh'era Bartolomeo I dela Scala capitàn del popolo, che'l çercava de calmàr i animi de le fameje pìù potenti de Verona. L'è stà tentà de conbinàr un matrimonio ma el Conte Sauro Capuleti l' morto par man de un Montecchi (Monteci). El fiume de sangue de quele fameje, el vien citado parfin da Dante. Nel 1320 i Montecchi i ghe voléa mal a Cangrande e par sto motivo i è stà esiliadi a Udine. William Shakespeare (Uiliam Scecspir), l'à ciapà ispirassión par el famoso romanso conossudo in tuto el mondo.




Verona come in Palestina
Cosa pol çentràr la nostra çità con Gerusaleme? Al Ritorno da le Crociade, se parla de 600-700 ani fa....i reduci i-avéa pensà de ciamàr alcuni punti çitadini con nomi de loghi Sacri dela Tera Santa. Tra Castel S.Piero e la Fontana de Fero gh'è la cesèta de S.Maria de Nazareth, 'ndoe gh'è l'istituto Don Calabria gh'è la cesèta de S.Maria in Betleme (el nome atuàl dela zona l'è S.Zen in monte), el S.Sepolcro l'è 'ndoe gh'è la cesa de S.Toscana a Porta Vescovo, el Monte Calvario l'era sora a Quinsàn (Monte Cavro) mentre el Monte Oliveto l'è 'ndoe gh'è la cesa dela SS. Trinità. Nel "Sigilo" çitadìn del 1439 vien ricordà adiritura che Verona l'era una "Gerusaleme minore". Par molti Verona l'è una Roma piassé picenina, altri i dise Firense, ma podémo dir anca Gerusaleme!