Ne la rubrica "Veronesi tuti mati" no podéa mancàr i proèrbi "Erotici e Scatologici del Veneto" del più grande folklorista Veronese de fine '800, Arrigo Balladoro. A dir la verità nel primo libro su i proèrbi de la provinçia del 1896 e gnanca de quéi stampà fin a trent'ani dopo, riussémo a catàr questi che publichémo nel nostro sito. Questo perché in quél periodo far un libro su çèrti argomenti no l'éra una cosa bén vista, soratuto da parte de un nobile come Arrigo. Gh'è da dir che questi proèrbi e modi de dir, no iè da védar come un calcossa de bruto e scandoloso, ma un calcossa de storico utilisà dal popolo ne la parlada comùn e in questo caso dai contadini che Balladoro vedéa tuti i giorni ne le so propietà. Grassie a lu, el nostro patrimonio folkloristico l'è stà in parte salvà e noàntri volémo fàrvelo conóssar. ***Sé consilia a ci g'a manco de 18 ani de dimandàr a so mama o bupà el parmésso de lezar i proèrbi***
A Cremona gh'è du Vescovi, uno de Cre e l'altro de Móna
A farselo métar 'n tel cul se prova gusto, se se fa 'n amigo e se caga mèio
A quel là ghe vorìa du busi parcagàr (uno che magna tanto)
A sto mondo gh'è tre sorte de mona: lecada, smerdada, palpada
A sto mondo no gh'è abondansa che de fighe e de fulminanti
Ai primi del mese, le dòne g'a el marchese
Averghe i coio.. pieni (èssar stufi)
Avérghe un muso da cul (facia insulsa)
Bèlo l'è cagàr a lo spiràr dei venti, el cul in aria e i cojoni pendenti
Ben ghe pissarò sora (ghe pensarò)
Butèl, tegni in man el pìfaro, che la sonada l'è longa
Caga lì che gh'è nèto
Cagarse 'n braghe (avérghe paura)
Casso in cul, no fa fanciul
Casso in le tete, naso in t'el cul e léngua in fi*a, èco el grópo de la formiga
Çerte dòne quando no j è più bóne de doparàr la m*na, le dòpara la coróna
Ci g'a fi*a, g'a pan; ci g'a casso, g'a pensieri
Co' la passiénsa el gòbo va in montagna, co' la passiénsa el can mónta la cagna, co' la passiénsa se descàrga el mulo, co' la passiénsa se ghe la mete in c*lo…
Da 'ndóe l'è passà 'na testa, el c*sso fa festa
Dai vinti ai trenta, el tira che'l spaventa; dai trenta ai quaranta, el dà la bòta franca; dai çinquanta in su, el va co 'l vol lu.
Dal buso del cul a la fi*a, l'è un passo de formìga
Dòna butàda e colona a piombo, la porta tuto 'l mondo
Dòna che bate l'anca, se putana no l'è, poco ghe manca
Dòna granda da vardàr e dòna picenina da ciavàr
Dòna granda, fi*a picenina
Dòna picenina, fi*a granda
Donde? Quando l'è drénto el se scónde e quando el vién fóra? Bisogna métarghelo ancóra
Duro ch'el dura: grosso ch'el stupa, longo che'l piasa e sboradór ch'el sguassa
El farìa vegnér i coio.. a 'na monega
El ghe l'à fata cagàr (es.l'è riussido a tirarghe fora le parole)
El prete, quando el va 'n t'una casa el çerca: un cantón par posàrghe el bastón, un ciodo par tacarghe el capèl e un buso par scondarghe l'osèl
El se taca come le piàtole ai coio..
El serén de nòte, el dura dal bus del cul a le balòte
En te 'na cagada o pissada (in poco tempo)
Èto cagà la sóga del posso? (quando te si sentà in bagno e no te vié fóra da tempo)
Far el pissìn sensa el péto, l'è come sonàr el violin sensa l'archéto
Gabia vèrta, osèl morto
Ghe boje la pignata e la gh'a el grombiàl alto (incinta)
Ghe n'è 'na cagà (avérghène un bèl mucio)
Gran fortuna passa chi putana lassa
Jè cul e merda (du che i va dacordo)
L'a fato un stronso co'i ossi (durghe con bruto modo a 'na dóna co' un fiól péna nato)
La fi*a l'è bóna fin tanto che la pissa e l'osèl l'è bon fin tanto ch'el s'endrissa.
La g'à un muso da scorése (facia co'siéra bianca)
La mèio cosa de 'sto mondo, l'è strusarse el cul con sasso rotondo
La mona l'è bruta a vardarla, la spussa a nasarla e la stufa a doparàrla
Larga, ma sicura
Lassa pur ch'el mondo diga, el mèio bocón l'è la fi*a
Lassa pur ch'el mondo tontóna, el mèio bocón l'è la m*na
L'è lu cagà e spuà (ghe soméia tanto)
L'è malcagà (l'è fato mal)
L'è tanto poaréto che s'el vol cagàr sul suo bisogna ch'el caga in man
L'è un armarón da scorése
L'è un caga in braghe (l'è un buteléto)
Lecàr el cul
L'era tr*ja anca in pansa a so mare
Mèio avérghe le braghe rote nel cul, ch'el cul roto ne le braghe
No gh'è fi*a che no spussa, no gh'è cavàl che no scapussa
No gh'è Pasqua sensa spiga. no gh'è dòna sensa fi*a
No gh'è questión, che 'na vècia col busón la fa paura
No gh'è sabo sensa sol, no gh'è dona sensa udór
No l'à né magnà e né cagà
No l'è merda ma l'è el can el can che l'à cagàda (se no l'è supa l'è pan bagnà)
No se dise cul róto, se no i ghe l'à messo in cul
No se pol gnanca far 'na scorésa sensa ch'el vaga a contarla (uno che'l va a spiferàr tuto a i altri)
Novantanove maridài fa cento béchi
Padenghe e Muniga, jè distanti come el buso del cul da la fi*a
Pal in piè, dòna corgà e stropa intorta, no se sa che péso i porta
Pan, vin e fi*a, parché Dio no me catìga
Par campàr çent'ani ghe vól: vin fin, brodo bón e quatro ciodi al patelón
Pél con pél, no gh'è mèio gusto de quél
Porca la badessa, putana la priora
Quando era bon da dàrghelo, no era bón da dìrghelo; 'dèsso che son bon da dìrghelo, no son più bon da dàrghelo
Quando 'na dòna el cul ghe bala, se no l'è vaca poco ghe fàla
Quéi de Marciaga, i tol el buso del cul par 'na piaga
Riguardarse da la peste, fame e guera e da quel buso che varda par tèra
Salame a disnàr, salame a çéna, a le dòne ghe vien la pansa piena.
Se vago in cul me smerdo, se vago in mona me impèsto, ménemelo che te fè più presto
Se zugo, perdo; se cago, me smerdo; se ciavo, me impèsto; ma, par Dio, che mondo l'è questo?
Tor par el cul (tor in giro)
Tre cose bone: figà col sangue, bacalà in mastèla e su l'ordel del cul la capèla
Tuti i stronsi fuma e tuti i simioti caga.
Ultime cose de la dòna: muso longo, tete fiape, pansa increspada, mona pelada
