Partecipa e scoèrzi la to veronesità! Un qualcosa de unico, par imparàr qualcosa e portàr la veronesità nel mondo. Ognuno de voialtri pol parteçipàr e no costa gnente, l'importante l'è gòdarse. Ogni canpionato finisse co' la consegna de le pergamene e dei premi durante la serata evento, par darghe la possibilità a ci pol, de incontrarse, far do ciàcole e passàr un momento in alegria.
- Dimande primo turno
- Dimande secondo turno
- Dimande terso turno
- Classifica primo turno
- Classifica secondo turno
- Classifica terso turno
CLASSIFICA FINAL 2026
01 - 101,5 Ave Mate +2
02 - 101 Granfati! +2
03 - 96,5 Buseta e Boton +1
04 - 89,5 Le Comare
05 - 84,5 I du scarponi e 'na vessiga
06 - 84 Te me tui
07 - 81,5 Me compare Giacometo
08 - 75,5 Ganassoni
09 - 73 Elkjaer Sindaco
10 - 66,5 I Sogni
11 - 46,5 Fritaja co' la séola
12 - 30,5 Bele Muse
DIMANDE TERSO TURNO 2026
1 DIMANDA
La Cadéna - Le parole da completàr chi soto iè incadenade uno a l'altra nel so significado da l'alto verso el basso e anca dal basso verso l'alto - Visto che pol risultar varie versioni, fa fede SOLO la nostra version. "Tema aqua"
7 parole > 7 punti
6 parole > 4 punti
5 parole > 3 punti
4 parole > 2 punti
1 a 3 > 1 punto
A v e s A
L a v a n d a r A
Avesa Lavandàra > Poesia Barbarani
L o r Ì
S o r g e n t E
Lorì > fiume con sorgente de Avesa
F i u m E
A d e S E
V e R o n A
2 DIMANDA
Secondo un articolo de un giornàl piemontese del 1939, Berto Barbarani el s’a esibido una diesìna de ani prima: p.7
a) Davanti a un publico de sole done l’oto de marso a Torin
b) Davanti a un publico de religiosi del Convento de Superga
c) Davanti al Re Vittorio Emanuele III de Savoia
d) Davanti a poche persone par colpa de un fredo siberiàn <<<< (Archivio La Stampa)
Ne l’articolo de “La stampa sera” n 27 del 01-02-1939 ghè scrito che dopo trent'ani el Barbarani el ritornarà a Torin dopo la serada de dies'ani prima dove la temperatura de disdoto gradi soto zero (praticamente fredo polar) l'a fato in modo che i amanti de la poesia i fusse in pochi. Par la precision el s'a presentà ne l’ano 1903 e con lu gh'éra anca Trilussa e Testoni, difati a quei tempi j'éra bastansa in uso le competissioni tra poeti, i tre j’è stè ospitè da l’Alfieri. Sempre ne l’articolo gh'è scrito che'l salon de La Stampa ospiterà Barbarani el 4 febrar a le ore 17 par farlo conossar ai torinesi anca se in realtà i lo conossea zà ben atraverso le so opere. A questo salon se parteciperà solo con l’invito dato fora da l’uficio organizativo dal 2 febrar da le ore 10. (Ave Mate)
3 DIMANDA
Nel XV secolo secondo i Statuti çitadini, se un becàr el vegnéa becà a "supìar drento" la carne con la boca o in altra maniera par farla parer piassè grassa e bela, cosa ghe sucedéa? p.5
a) El g’avéa da pagar na multa salàda al Comun. <<<<
b) El dovéa scapar de corsa par tuta la çità nudo, con na salamèla al col
c) El dovéa basàr el cul a la statua de Madona Verona in mèso a la piassa davanti a tuti.
d) El dovéa tastàr la carne del Podestà prima che l’Autorità ciapasse in man el piron.
Secondo un statuto del XV secolo è sta stabilio che nessun becàr el podéa ingrossar qualsiasi tipo de bestia par farla parer piassè bela e grassa e no'l podéa gnanca tegnerla ne la so becarìa. Inoltre l’era vietà métar la pel de sti animali ne la calce con l’urina, questa l’éra na tecnica usà par la concia e la preparassion del corame e de la pergamena. La calce essendo abrasiva la tira via el pelo, el grasso e i resti de la carne; l’urina avendoghe l’amoniaca la capacità de amorbidir la pèl. Ci no rispetarà questa regola el vegnéa multà con 60 soldi par ogni bestia trovà contrafà; altra multa se el fato el se ripete. Tuti i pol acusar el becar e in sto caso metà soldi de la multa i vegnea dati al spion de turno.
Trascritto: "ITEM, quod aliquis beccarius, non possit nec debeat sufflare, vel sufflari facere in aliquam bestiam pecorinam, seu caprinam, vel alterius cujuscumque conditionis, caussa ipsam sconflandi, vel aliud faciendi; nec habere seu tenere ipsas carnes in suis beccariis inflatas, seu sconflatas; & quod non possit nec debeat in pellibus dictarum bestiarum ponere, seu poni facere aliquem sanguinem, calcinam, vel urinam. Et qui contrafecerit, puniatur pro quolibet, & qualibet vice in lx. sol. Et de praedictis quilibet sit accusator, & habeat medietatem banni, & eidem credatur cum uno teste, & teneatur in credentia." (Ave Mate)
4 DIMANDA
Completa i du versi de 'na poesia Barbaraniana p.7
AAAAACEEEEGGIIILLLMNNOOOOOPPQRRRRSSTTTU
1,3,6,4,8, , E PAR QUESTO GRAN PORTENTO
1,2,5,2,7 I LO CIAMA: EL GIRASOL! (POESIE SCONOSSUDE - Museo Barbarani)
5 DIMANDA
Se vardémo ‘sta incision, cosa el g’a taià el Diretor: p.5
a) El Ponte Navi <<<< Aquaforte del Da Persico dal libro “Descrizione di Verona” (se nota la Dogana a sinistra)
b) El Ponte Novo
c) El Ponte Castelvècio
d) El Ponte Piéra
6 DIMANDA
Completàr la poesia secondo gusto. 8 righe, no 7 o 9. Se pol spostàr le righe. Te pol cavàr o spostàr ".,;!?"
Punti da 4 a 10 - No se scrive parolasse. Con le parole in italianisàde cavémo 1/2 punto . Se no te rispondi punti 0.
E me diseva i fonghi:
te spetemo la prossima istà
ma i giorni i era longhi,
e, intanto, me son malà.
Quanti ani è vegnù dopo,
sensa poterghene catar
che za g'avea quel gropo,
che me seitàa a tormentar!!!
(Granfàti! v.7)
Poesia
punti 7: Granfati!
punti 6,5: Ave Mate, Buseta e boton, Me compare Giacometo
punti 6: Elkiaer Sindaco
punti 5,5: Fritaia co' la séola, Ganassoni, Le Comare, Te me tui, Sogni, I du Scarponi e 'na vessiga, Bele Muse
CLASSIFICA TERSO TURNO 2026 -
38 +2 --- Granfati!
37,5 +2 --- Ave Mate
36,5 > --- Te Me Tui
36,5 > --- Le Comare
31,5 > --- Ganassoni (5)
32,5 +1 --- Buseta e Boton (5)
30,5 > --- Me compare Giacometo (4)
30 > --- Elkjaer Sindaco (2)
23,5 > --- I du scarponi e 'na vessiga (3-5)
19,5 > --- I Sogni (3-4-5)
5,5 > --- Fritàia co' la séola (1-2-3-4-5)
7,5 > --- Bele Muse (2-3-4-5)
...........
DIMANDE SECONDO TURNO 2026
1 DIMANDA
La Cadéna - Le parole da completàr chi soto iè incadenade uno a l'altra nel so significado da l'alto verso el basso e anca dal basso verso l'alto - Visto che pol risultar varie versioni, fa fede SOLO la nostra version.
7 parole > 7 punti
4 a 6 > 5 punti
1 a 3 > 1 punto
POLENTA
FORMAIO
VERDE (mare de cangrande)
CANGRANDE
ARCA
TOMBA
ZOSANA
2 DIMANDA
In che ano, la gestion del Carneval de Verona l'è stà lassà da le istitussioni (che g'a preferido contribuir con quatro schei), ne le mane de una società privada? (7 punti)
a) 1931
b) 1899
c) 1881 < La dimanda l'era ciàra, el passajo da publico a privato, documento presente sul sito del Comùn - Ne la seconda metà del’otocento gh'è stà un passajo de gestion del carneval da l’aministrassion comunal che un poco la se ne fregava de 'sta manifestassion a la nova gestion "la società del carnovale e del gnocco" che la g'avéa come presidente el marchese A. f. Gianfilippi, parea quasi chi i volesse privatizar la manifestassion. El 17 de genar 1871 durante ‘na seduta pubblica la nova società l’a presentà una proposta firmà dal marchese dove se domandava un sussidio dal Comune. Difati da l’ano 1881 l’intervento del comune l’e sta ridimensionà e ogni forma de intromission del municipio ne la festa revocà (AVE MATE)
d) 1924
e) specificàr ano difarente e parché
3 DIMANDA (3 punti)
Secondo Giosuè Carducci, el poeta veronese Vittorio Betteloni, nel so ritiro poetico de Castelroto "preparava una sedia" uda a:
a) Gabriele D'Annunzio
b) Giovanni Pascoli
c) Berto Barbarani
d) Lord Byron < Lord Byron era un mito che secondo le usanse del periodo meritava ‘na carega sempre libara come se’l fuSse ancora vivo. Vittorio Betteloni l’e nato a Verona el 14 DUGNO 1840 dal poeta Cesare e da Giovanna Bertoldi. El scomizia a studiar nel colegio vescovil de Verona, dopo el va al liceo Maffei sempre de Verona 'ndoe el ciapà la maturità ne l’ano 1858. Sempre in che l’ano so papà el se suicida così Vittorio el vien afidà al più caro amigo de so bupà Aleardo Aleardi. Ne l’ano 1858 se iscrive a la facoltà e giurisprudensa de l’università de Padova, l’ano dopo in quela de Torino e in quel dopo ancora el va a Pisa 'ndoe ne l’ano 1862 el se laurea. Sempre ne lo stesso ano el torna a verona par curar i posedimenti ereditè da so bupà. Ne l’ano 1866 el publica lo so prima opera "L’Ombra dello sposo - Fola da sere d’inverno". Ne l’ano stampa el volume de versi in Primavera; tri ani dopo el se sposa con Silvia Rensi e con éla el gavarà tri fioi fasendo la spola tra Verona e la so vila a Castelroto. Ne l’ano 1875 ariva a Verona Giusuè Carducci el lo conosce e i deventa amici, el conosse anca Carolina Piva Cristofori che la g'avéa un forte assendente su Carducci. Sempre in che l’ano el publica L’Aideia un sagio de tradussion del "Don giovanni di Byron" e l’ano dopo vegnarà stampà la tradussion de l’Assuero a Roma di Hamerling. Ne l’ano 1877 el vien nominà insegnante de leteratura preso el "Regio colegio de le fanciulle" de Verona. Ne l’ano 1880 publica i Nuovi Versi con prefassion del Carducci e sempre ne lo stesso ano vien publicà il primo volume de la tradussion del Don Giovanni. Tra el 1881 e el 1889 el s'a dedicà a la politica come consigliere e assessor a la publica istrussion del comune de Verona. Parò lu l’a continuà a scrivar, ne l’ano 1882 la tradussion dell’Arminio e Dorotea di Goethe, lassa l’insegnamento nel 1894 e publica Stefania e altri raconti poetici. Ano 1897 ghe sta la tradussion completa del Don Giovanni di Byron e el romanso Prima Lotta, ne l’ano 1903 publica Crisantemi - Ultimi versi e infine nel 1906 Zulieta e Romeo - Storiella in versi de un poeta popolan. El more a Castelroto el 1 setembre 1910. Gh'è de le scole che le porta el so nome e ghe ancora dei eredi (Ave Mate)
4 DIMANDA
Completa el proèrbio, 3 punti
5,4,1,5,2,2,8,3 LIBRI DONE E CAVAI NO SE IMPRESTA MAI
aaaabcdeeeeiiiiilmmnnooprrsstv
5 DIMANDA (7 punti)
Un noto poeta veronese el ne parla in uno dei so poemi del Butomo Pompolo. A cosa se riferisse?
a) 'Na malatia del porsèl
b) Un bao che magna le raise dei pomari
c) Tipo de pèrsego
d) Gramegna del riso < Durante el governo de la republica de Venessia, a partir da l’ano 1566 i se ocupava de regolar tute le norme de gestion del teritorio, in quanto le fameje veronesi e i nobili de teraferma i g'avéa scumizià a investir ne la tera. Ne la pianura veronese, ‘na coltura che la rendea tantissimo l'era quela del riso. Quindi el riso el deventa l'oro bianco, ci investea in riso l'era sior... eco parché ne la pianura nasse tante pile da riso. El marchese Gianbattista Spolverini l’è nato a Verona da fameja nobile el 25 giugno 1695 da Ottaviano e Adelaide Contessa Nogarola, l'è sta uno de quei che grassie al so poema descrito nei minimi particolari l'a dato tuti i detagli par la coltivasion de sto "oro bianco". El Spolverini nel so poema “La coltivazione del riso” de l’ano 1758 el descrive con precision tute le fasi de la coltivassion par far comprendar a tuti el vero significado. Questa opera l’è divisa in quatro libri: nel primo parla del teritorio e de l’ambiente circostante; nel secondo de l’aratura el semenar e tute le fasi par metar a posto el teren. Nel terzo come liberarse de le erbe cative compreso el butomo pompolo, nel quarto la mietitura la batidura e de l’arte de sugar al sol. El marchese el more el 24 novembre 1762 a Verona. (Ave Mate) - Secondo i esperti ne le prime 'stimàne de vita, 'sta pianta la quasi istéssa a quéla del riso e par quésto l'é façile sbaiàrse lassandoghe strada lìbara par impestàr tuta la risàra (La Redassion)
6 DIMANDA
Completàr la poesia secondo gusto. 8 righe, no 7 o 9. Se pol spostàr le righe. Te pol cavàr o spostàr ".,;!?"
Punti da 4 a 10 - No se scrive parolasse. Con le parole in italianisàde cavémo 1/2 punto . Se no te rispondi punti 0.
***Ocio, se te lassi le righe proposte così come iè el puntegio sarà piassè alto. Noialtri te demo solo la possibilità de spostarle e de far de le modifiche, ma te porta a ricévar meno punti***
Ti te deventi vecia
disea lu par schersar
ma un giorno in te na recia
sento na voçe che me fa pensar.
Fate corajo, su,
che tuto se giustarà!
Ma mi pensava a lu
e lu inveçe el m’a lassà.
(Ave Mate v.7)
Ma un giorno in te 'na recia
……………………………………………
Fate coraio, su!
……………………………………………
ma mi pensava a lu
……………………………………
Ti te deventi vecia
……………………………………
Te me tui (p.6.5) Buseta e Boton, Bèle muse, Granfàti, Ganassoni, Du scarponi e 'na vissiga, Me compare Giacometo, I Sogni, Elkjaer Sindaco, Fritaja co'la séola, Le comare (p.6)
CLASSIFICA SECONDO TURNO 2026 -
33 +2 Buseta e Boton
32 +2 Ave Mate,
31 +2 Granfati!
31 > --- Ganassoni
31 > --- I du scarponi e 'na vessiga
28 > --- Me compare Giacometo (3)
24,5 > --Te Me Tui (2)
24 > --- I Sogni (2)
23 > --- Le Comare (2)
23 > --- Elkjaer Sindaco (2-3)
18 > --- Fritàia co' la séola (2-3-4)
17 > --- Bele Muse (2-3-5)
DIMANDE PRIMO TURNO 2026
1 DIMANDA
La Cadéna - Le parole da completàr chi soto iè incadenade uno a l'altra nel so significado da l'alto verso el basso e anca dal basso verso l'alto - Visto che pol risultar varie versioni, fa fede solo la nostra version.
7 parole > 7 punti
4 a 6 > 5 punti
1 a 3 > 1 punto
B r e N t A (Fiume che Bagna Carturo)
C a r t U r O ('ndoe l'è nato Mantegna)
M a n T e G n A
P a l A (presente a San Zén)
C e s A
Z e N
MO r U r I (una de le frassioni piassè alte de Verona)
2 DIMANDA
Nel 1868 in una "seduta" del Comùn de Verona gh'è stà l'aprovassion de 'na tassa de possesso: p.7
a) cani: 5 lire par i cani mas-ci e 3 par le cagne ( dal sito del Comune de Verona) <
b) gati: 10 lire par i gati neri
c) cavài da carossa: 15 lire par i cavài da tiro e gnente tasse par quéi bianchi
d) capèl a cilindro (lusso): 2 lire par ci va a passéio in Bra a la dominica co' el capèl
3 DIMANDA
Ne la famosa poesia "La Madoneta che gira" 'na madoneta in legno "una note l'è scapada via" dal "Capitèl che guardava su 'na strada". Dove se catémo? p.7
a) Valpantena Madona de l'Altarol a Poiàn (presente ne le note del Canzoniere del Berto) <
b) Valpolesèla (su internet calchedùn g'a scrito Parona..hahahha, no vardè feisbub par cortesia!)
c) Lago de Garda
d) Val d'Alpon
4 DIMANDA
Completa el proèrbio, 3 punti
3,6,2,3,3,5 MAI SVEIAR EL CAN CHE DORME
aaaccdeeeehiilmmnorrsv
5 DIMANDA
Se vardè le piture su la fassada de le Case Mazzanti cosa no gh'è rafigurà: p.3
a) L'ignoransa
b) L'invidia
c) La superbia <
d) specificàr...
6 DIMANDA
Ne la tela del pitor Francesco Barbieri ne la césa de San Fioràn de Valpolesèla, el Santo no l'è in compagnia de: p.3
a) Santa Chiara
b) Santa Radegonda < son andà in césa da Don Amos che conosso da 15 ani
c) Santa Polonia
d) specificàr
CLASSIFICA PRIMO TURNO 2026
30 > +2 Ave Mate, Granfati!, Buseta e Boton, Le Comare
30 > --- I du scarponi e 'na vessiga
23 > +1 Te Me Tui (3), Me Compare Giacometo (3)
23 > --- I Sogni (3), Fritaja co' la séola (2)
20 > --- Elkjaer Sindaco (3-6)
13 > --- Ganassoni (1-3-5)
6 > --- Bele Muse (1-2-3-4)
REGOLAMENTO CANPIONATO 2026
El Diretòr spedisse sié dimande par turno via meil, par tri turni a tute le squadre parteçipanti
-
Parole dialetali, Storia de Verona, Provincia, Carneval Veronese
-
Cruciverba e Anagrama
-
Cartoline vecie de Verona e Provincia
-
Foto su l'arte a Verona e de cantoni sconti de Verona e Provincia
-
Poesie
-
Cultura Moderna Veronese
-
Poesia
-
La Cadéna
Le squadre le dovrà rispòndar entro un dato periodo (vedi p.4.1) al'indirisso
ISCRISSIONI - verte dal 01 marso al 19 aprìl 2026 - Min 10 / Max 20 squadre
01-Ave Mate - R.Emilia / Butapiéra 3
02-Ganassoni - Toronto (Canada) 3
03-Bele Muse - Barçelona (Catalogna) 2
04-I Sogni - Milàn / San Michél 3
05-i du scarponi e una vessiga - Pescantina/Bussolengo/Avesa 3
06-Granfati - Verona/Torino 3
07-Buseta e Boton - Verona 2
08-Fritàia co'la séola - Verona 2
09-Elkjaer Sindaco - Verona 3
10-Te me tui - Verona 2
11-Le Comare - Verona 2
12-Me compare Giacometo - Casteld'Assàn 3
Par iscrivarse bisogna lésar tuto el regolamento e scrìvar a
-
Nome dela Squadra (es. Paese, soranome, roba da magnar o qualsiasi altra cosa che la g'à a che far Verona e la cultura Veronese)
-
Nùmaro Conponenti da 2 a 4 Veronesi Provinsia, da 1 a 4 Veronesi fora Provinsia, 6 se presenti dei parenti (es.moiér o fioi ecc.), Squadre miste da 1 a 4
-
Nome o Soranome dei componenti (gnente cognomi x discorso privacy)
-
(L' è vietado canbiar i componenti durante el canpionato)
-
Indirisso I-meil del capitàn dela squadra (par ci vol anca un secondo indirisso) L' indirisso no'l pol essar canbià durante el canpionato.
-
Logo de Proveniensa
La Diression se la vol ve spedirà via imeil la conferma d'iscrission entro 24 ore da la data de spedission de la vostra imeil con un codice identificativo de squadra. Una 'olta iscriti vegnarà spedì la locandina ricordo del canpionato. No pol partecipàr al Canpionato ci l'è membro o ci l'è stà membro de la giuria (e relativi familiari) e/o ci colabora nel sito con rubriche storiche, cruciverba, proerbi, modi de dir. Ci l'a protestà o invià imeil de protesta no pol parteçipàr.
1.Canpionato
1.1 Canpionato Dialetàl su 3 turni
1.2 El Canpionato l'è a giron unico
2.Puntegio
2.1 El puntegio el vien somà dal'inissio a la fine del canpionato. puntegio I° Turno + II° turno + III° turno.
2.2. In caso de parità de puntegio se varda ci l'à sbajà de manco.
2.2.1 Se persiste la parità se varda tuti i punti de le poesie
2.3 La classifica del canpionato la vegnarà publicada dopo 3 giorni dal termine del tempo de risposta.
3.Dimande
3.1 El Diretor el spedirà a tute le squadre le dimande via imeil, sié par turno. Se par motivi tenici le squadre no le riceve le dimande, bisogna consultàr obligatoriamente el sito.
3.2 Come zà specificado ne la "Presentassion" le dimande i è divise par categorie
3.3 Le Dimande le vegnarà spedì la sera prima de la data stabilì entro le ore 22. In caso de problemi la giuria Ve risponderà entro 24 ore da l'invio de la "richiesta d'aiuto".
3.4 "No serVe essar poeta!" - Inventa 'na Poesia... La Poesia sarà composta in 8 righe; a esempio le righe dispari le sarà inserì dal Diretor (dopo aver siélto da le poesie del Berto) mentre le righe pari da le squadre. Deve vegnér fora 'na poesia de senso compiù. Vien premià soratuto "l'idea" e la "fantasia". Par ci sbàia a scrìvar 'na lètara serémo un ocio, basta che no sia gravi da impedir de capir el senso, fasemo nojaltri le eventuali coressioni prima de publicarle. Le poesie le vegnarà composte a partir dal primo turno. 8 righe (se in più e in manco el voto sarà 0)
Un esempio:
Diretor: Eco qua mondo pitoco
Squadra: ...la balada de l'oco!...
Diretor: Drito in meso a la cusina
Squadra: ...su na teja picenina...
Diretor: Me comare moscardina
Squadra: ...ghe da 'na saladina...
Diretor: Che bisogna festegiar
Squadra: ...che diman 'ndemo al mar!
3.5 "Coeficente de dificoltà" se la squadra lassa le righe ne l'ordine proposto dal Diretor, le g'avarà un puntegio piassé alto. Se una squadra vol missiàr l'ordine de le righe proposte, ghe vegnarà cavà 1/2 punto.
4.Risposte
4.1 Tempi de risposta via imeil a
I° Turno: 20-30 aprìl 2026
II° Turno: 05-15 maio 2026
III° Turno: 20-30 maio 2026
4.2 Se pol rispòndar a partìr da le ore 12 del primo giorno (ci risponde prima, el vegnarà considerà come ultimo a rispòndar).
4.3 Ci risponde: un giorno oltre el termine stabilido ghe vegnarà cavà 3 punti du giorni oltre el termine stabilido el vegnarà cavà 5 punti ci no risponde el vegnarà espulso
4.4 Ogni 'olta che se spedisse le risposte a
4.5 Ci risponde in maniera justa a tute le dimande e in poesia el ciapa almanco 6 (soto al 6 l'è considerà un sbàio), entro el 21 aprìl ore 23.59 nel 1° Turno - entro el 06 maio ore 23.59 nel 2° Turno - entro el 21 maio nel 3° Turno ore 23.59, el ricevarà in regàl 2 punti in più in classifica a la fin del canpionato. Con 1 sbàio 1 punto. El bonus l'è valido solo sui tre turni.
5. Par i partecipanti - Premi
A tuti i partecipanti che i g'à risposto a tuti e tre i turni, ghe vegnarà spedì via imeil el diploma de partecipassion a parte la Pergamena de la Veronesità a le prime 3 classificà
5.1 Premi de Categoria
La squadra che risponde in maniera completa a le dimande (zontando altre informassioni a la risposta da dar) la gavarà el dirito al premio "Secia", altri premi:
Premio Asso de Cope = A la squadra seconda clasificada
Premio Sinpatia = Par el nome pi bel votà da le squadre partecipanti
Premio 17° Concorso Poesia Barbarani = A la poesia pi bela
Premio Mastino = A le squadre più combative che le rimonta almanco 5 posissioni in tri turni.
p.s. Ci parteçipa al canpionato l'è obligà a presentarse a la serata de premiassiòn (se la vién fata) co' almanco un componente (a parte i veronesi fora provinsia) o rìspondar, par st'ano a tuti i turni. El canpionato l'è 'na festa par Verona, par ci parteçipa e par ci organisa che ghe mete l'ànema, la Vostra presensa l'è fondamentàl par la riussida!
5.2 Concorso de Poesia Berto Barbarani:
A la poesia più bela (p.3.4) vegnarà consegnà una cartolina-diploma inedita del grande Berto Barbarani. Par entràr tra le candidate al premio, te devi rispòndar in maniera giusta a 1 dimanda par ogni turno.
6.Reclami
IscrivendoTe al canpionato, Te si d'acordo sul regolamento in tuti i so ponti chi de sora indicadi e del giudissio insindacabile dela Diression. Dunque l'è proibido reclamàr. Ci reclama durante el canpionato el vegnarà espulso.
7.Conclusioni
Lo spirito justo par partecipàr al Canpionato l'è: - Averghe voja de imparàr qualcosa de novo. - Contribuìr con la propia sapiensa a la divulgassión de la nostra léngua. - No preocuparse se i risultadi jè negativi, non sà mai finìo de imparàr. - No 'bandonàr el Canpionato in corso, bisogna savér ciapàr anca i risultadi negativi, avendoghe così anca rispeto par ci organisa e de ci partecipa. - L'importante l'è parteçipàr, parchè quel che deve vìnsar l'è la léngua veronese.
8. PRIVACY
Come da lege su la Privacy i dati de persone, indirissi imeil dei partecipanti no vegnarà distribuidi e gnanca publicadi sensa l'autorisassión dei interessadi su internet o altri sistemi de comunicassión. Questi dati i vegnarà utilisadi solo par comunicassioni tra La Rena Domila e i interessadi par invio dimande e/o informassioni relative al canpionato o al sito e conservadi dal responsabile del sito. (vedi privacy/cookies). Iscrivéndove ve va bén quanto dito qua sora.
ESEMPI / POESIA
*in grasseto le righe del Diretor
ESEMPI / STORIA - De qual artista èlo el Dipinto "Assunzione della Vergine" nel Dòmo de Verona del 1535? (p.3)
a) Paolo Veronese
b) Tiziano Vecellio <
c) Andrea Mantegna
ESEMPI / Anagrama co' proèrbio 2-4-5-4-5 (p.3):
AACDDEEEIIIOPPSSSSSS Ci dise sposa dise spesa