# 181 Sora 'na lasta de preàra
I nostri eroi in mèso a le preare nel Comùn de Sant'Ana d'Alfaédo in çérca dei fossili, ma forsi se faséa prima a nar nel Museo Paleontologico e Preistorico...
Mi: podémo nar a Fosse
Lu: a far?
Mi: me serve un fossile
Lu: no te podéi 'nar a Bolca?
Mi: l'è piassè bèlo nar in preàra
Lu: gh'è 50 gradi !
Mi: te ciapi un poco de sol
Lu: beh vago a Garda
Mi: ciàpa el martèl
Lu: e 'sa fasso?
Mi: spàca la piéra
Lu: ma l'è tre metri x du
Mi: te si una piaga
Lu: ma scusa a cosa te serve?
Mi: par tacàrla sora al camìn
Lu: tuta ista fadìga par...
Mi: in casa ghe stà bén
Lu: te pol métarghe un quadro
Mi: ma el pol brusarse
Lu: fa un mosaico
Mi: massa fadìga
Lu: spacàr 'na piéra no!
Mi: te fè palestra
Lu: quéla l'è al fresco
Mi: l'aria condissionada?
Lu: mèio che cosarse
Mi: tira fora el fiasco
Lu: co' sto caldo?
Mi: gh'è anca du biceri
Lu: devénta brulè!
Mi: g'ò portà i panéti
Lu: el parsuto l'è bèlo coto
Mi: beh, te pol magnarlo
Lu: nemo al Museo de Sant'Ana
Mi: e par el camìn?
Lu: ghe pensarémo
Mi: al Museo gh'è...
Lu: i fossili de le preàre
Mi: gh'è un squàlo?
Lu: anca squélo!