Par ci ghe piase el Tartufo che convien far un salto nel cor del Monte Baldo a Ferara dal 17 al 20 de luio 2026 a la seconda Fiera Regionàl del Tartufo Veneto, co' convegni, mostre, magnàr a tema, bon vin, bona musica e tante curiosità par grandi e buteléti in piassa e tra le vie del paese. Qua soto la poesia in musica del nostro Diretor e 'l programa 2026. Ve spetémo!
Vènardi 17
> Colori di Tartufo – Artisti a l'opera nel borgo de Ferara, par tuta la giornada, i artisti i ne conta del Monte Baldo e del so Tartufo co' i so colori, emozioni e paesaggi.
> Ore 11:00 – Convegno: "El Tartufo Veneto: turismo esperienziale e digitalizzazione" A cura de DVG – Cità del Tartufo, un momento de confronto dedicà a come se pol svilupàr el teritorio grassie al turismo 'speriessiàl, la valorisassion del Tartufo Veneto e el mondo digitàl.
> Ore 12:30 – Celebrassion a tola del Tartufo Veneto nel cor del Monte Baldo
Disnàr con tole in piassa e sistema in forma quadrata a torno al palco çentràl
> Ore 15:00 – "Apertura ufficiale" de la 2ª Fiera del Tartufo Veneto
Cerimonia inauguràl della manifestazione e:
-Fieracavalli Experience – Monte Baldo
Momento dedicà a buteléto e fameie tra cavài, natura e Tartufo del Baldo.
-Area "Le Terre del Tartufo e del Vino del Veneto"
con le Associazioni Tartufai del Veneto e le cantine del teritorio veronese protagoniste de un percorso tra le bontà del magnàr e del béar, tradissione e identità ruràl.
-Presentassion del progeto Truffle Hunting Baldo Garda (DVG);
consegna e sotoscrission del progeto "Boschi Ferrara MB – Tartufaie Controllate"
> Ore 15:30 – Evento dei cavài: "Dall'Ippovia del Monte Baldo alla Fiera del Tartufo"
I riva i cavalieri "Natura a Cavallo", dai sentieri che i va par boschi e tartufaie, nel cor de la biodiversità del Monte Baldo.
-Magnàr tra i ristoranti "In tòla con el Tartufo del Monte Baldo"
Par tuta la manifestassion, i ristoranti i cusina menù speciali dedicà al Tartufo del Monte Baldo.
> Ore 18:30 – Se magna co' la cusina della Fiera
> Ore 20:00 – Musica con: Zoe Safari
Sabo 18
> Ore 09:30 – Convegno: "Coltivare il Tartufo oggi: tra piante simbionti, terreni e cambiamento climatico" - Dott. Marco Montanari - Agrotecnico Ore 10:00
Scominçia la giornada e:
-Fieracavalli Experience – Monte Baldo
Momento dedicà a buteléto e fameie tra cavài, natura e Tartufo del Baldo.
-Area "Le Terre del Tartufo e del Vino del Veneto"
con le Associazioni Tartufai del Veneto e le cantine del teritorio veronese protagoniste de un percorso tra le bontà del magnàr e del béar, tradissione e identità ruràl.
-Colori di Tartufo – Artisti a l'opera nel borgo de Ferara, par tuta la giornada, i artisti i ne conta del Monte Baldo e del so Tartufo co' i so colori, emozioni e paesaggi.
-Càcia al Tartufo par buteléti
> Ore 11:00 – Convegno: "Il Tartufo: come conservarlo, cucinarlo e valorizzarlo"
Incontro con Alessandro Zanetti, cogo Tartufaio.
> Ore 12:00 – Se magna in Fiera
> Ore 16:00 – Convegno e Masterclass: "Vino e Tartufo: le radici del Monte"
> Ore 17:00 – Dimostrassion de çérca tartufo a la Tartufaia de Penny
> Ore 18:30 – Se magna in Fiera
> Ore 20:00 – Musica con: Just Friends Q4T
Dominica 19
> Ore 10:00 Scominçia la giornada e:
-Fieracavalli Experience – Monte Baldo
Momento dedicà a buteléto e fameie tra cavài, natura e Tartufo del Baldo.
-Area "Le Terre del Tartufo e del Vino del Veneto"
con le Associazioni Tartufai del Veneto e le cantine del teritorio veronese protagoniste de un percorso tra le bontà del magnàr e del béar, tradissione e identità ruràl.
-Colori di Tartufo – Artisti a l'opera nel borgo de Ferara, par tuta la giornada, i artisti i ne conta del Monte Baldo e del so Tartufo co' i so colori, emozioni e paesaggi.
–Dimostrassion de çérca tartufo a la Tartufaia de Penny Ore 12:00 - Se magna in Fiera
> Ore 16:00 – Premiassion "Trofeo Fieracavalli – Eccellenza del Tartufaio"
Cerimonia de premiassion dedicà ai protagonisti del mondo del tartufo e a la valorissassion del'impegno dei tartufai.
> Ore 17:00 – Convegno: "Il benessere del cane da lavoro" a cura di AIECI, Città del Tartufo e CRN IAA
> Ore 18:30 – Se magna in Fiera
>Ore 19:00 – Musica con: Tribute Gang – Fusco Gang
Luni 20
Ore 20:00 – Cena de beneficensa AMO Baldo-Garda su prenotassion +39 371 4195820 - € 25,00
-------------------
Archivio - Prima Edission 2025
La prima fiera del Tartufo Veneto a Ferara de Monte Baldo l'è riussì a portàr un mucio de zénte tra le vie del paese e nei dintorni, tra stradèle e boschi con la possibilità de parteçipàr a eventi o de portarse a casa dal marcà, el magnifico "Oro del Baldo". Pietanse de ogni tipo in compagnia del Tartufo montebaldino. A parte i numarósi eventi semo riussì a parteçipàr a la conferensa co' l'esperto e giornalista micologo de la rivista nassionàl "Passione Funghi e Tartufi" Nicolò Oppicelli. Dovémo dir veramente interessante, con curiosità su questo mondo che parte da la flora e da la fauna par finìr nel campo siéntìfico e de la riçérca ospedaliera e universitaria. In pratica podémo dir, che quel che pól far un Tartufo sóto tèra no g'avì gnanca idea o quel che pól far un fóngo de sóra. Come una rete internet nei boschi che rièsse a métar in comunicassión un esemplàr co' l'altro. S'à parlà anca dei ris-ci par l'òmo, par el càn da Tartufi che a òlte magna el bocón invelenà messo par tèra o ne le póce da qualche delinquente, dei fónghi "zoombie", del valór sui marcà del nostro Tartufo tra i 600 e i 1000 euri al chilo, de quel magnà da i scoiàtoli e de quel butà fóra dal de drio da altre bestie dei boschi che le contribuisse a semenàr da nóvo i fónghi. Dovì pensàr che el ciclo completo dei tartufi l'è tra i 180 e i 240 giorni tra setembre e marso. Visto che l'è sóto tèra l'unico sistema par rinàssar e farse notàr, l'è far spussa, in questa maniera le bestie che ghe passa de sóra no le pól no sentirlo e raspàr par magnàrlo; te pól sentìr quel tipico udór de aio che se no fusse nel bósco, te podaressì pensàr che calchedùn l'è drio a magnarse un panéto co' la sopressa. Un mondo tuto da scoèrzar a Ferara de Monte Baldo soratuto in tòla con pietanse veramente gustose. (La Redassión - 18 Luio 2025)
