I veronesi de çità ogni tanto i va a caminàr o sponsàr o a gòdarse su le nostre montagne sensa saver la so storia e la so tradissión, a òlte ci ghe vive e laóra su 'ste tère a parte la so contrà, no conosse el rèsto del teritorio montano. Noàntri, prima de far du passi in mèso a la natura, lesémo i libri de storia e se fémo contàr da ci ghe vive da generassioni le so storie. In questa maniera riussémo a portàr rispèto a la nostra montagna e capìr mèio le cose come le gira, co' tuti i so problemi.
Nel nostro archivio podémo contàr piassè de 50 mila foto in tute le staióni su la Lessinia che zontémo ai nostri articoli. Se volì conóssar la storia dei cimbri e le origini de la Lessinia partendo da la preistoria, la nostra rubrica la pól darVe 'na man. Se gavì storie da contàr basta scrìvar a Questo indirizzo email è protetto dagli spambots. È necessario abilitare JavaScript per vederlo. e noàntri vegnémo de persona par conóssarVe e far du foto, parché tuto questo patrimonio no'l vaga perso. No çerchémo la la classica cartolina, ma calcossa che vién da drénto.
> Podì catàr: 1-La lessinia da le origini a cura de Marco Pasa, 2-le Giassàre, 3-i Trombini, 4-L'impresa del Principe Eugenio de Savoia, 5-Le Malghe, Bàiti e Casàre, 6-Madona de la Lòbia, 7-Le Casarole, storie de òmeni, 8-Le calcàre, calsìna e lissia, 9-Confini e Contrabàndo, 10-Confini e Contrabàndo, 11-La Fiera dei Bogóni de Sant'Andrea, 12-La stàla del Modesto, 13-El Cóalo del Savatìn.(El Diretor 12/04/2025)
