Grassie a i scavi su un terén de quasi 7000 mq in via Teiolo, l'è saltà fóra la prima necropoli a sànca de l'Adese co' 200 tombe de l'età del Bronso (metà XII-X sec. a.C.) e un vilàio medievàl forsi a l'origine del paese atuàl. Ma come l'è nata la scoèrta? Grassie a ci voléa costruìr case s'a catà un bèl mucio de roba soto tèra. A parte i quatro ossi, gh'éra un pètene in òsso, un spilón e recìni. La sovraintendensa cerca calche "sponsor" par seitàr i scavi e magàri par far 'na mostra de quél catà. L'è un calcossa de grandioso che rapresenta la nostra storia. Tacà a l'Adese l'è facile catàr de le péste de storia, in particolàr ne la zona de Albaredo. Sperémo de riussìr a recuperàr tuto e no scóndarlo come al solito sóto un mùcio de tèra.
