Sabo 21 febràr nel rión de San Zén gh'è un evento interessante, quatro passi par faméie tra storia, cultura e sganassàde organisà da "l'Ordine dei Macaroni". Pól parteçipàr bupà e mare co' i fiói o noni co' i neódi vestidi in màscara. La partensa l'è a le ore 9 da via Porta San Zén 27 dal "Garage San Zén" lóngo un parcorso de 3 km. Ogni tanto podarè incontràr un atór, un artista, un cantante, un storico che ve farà de le dimande a cui bisón rispóndar, ghe sarà Andrea Toffaletti, Saverio Amato, Giovanni Vit, Fabrizio Piccinato e Fabio Casarotti. Quindi bisón scoltàr bén cosa i ve conta par vìnsar. Vegnarà premià anca el costume piassè bèlo. Gh'è tempo par iscrìvarse fin a le ore 8.30 de sabo o via meil a Questo indirizzo email è protetto dagli spambots. È necessario abilitare JavaScript per vederlo. co' 10 euri a còpia. Vé spetémo! (El Diretór 19.02.2026)
