XXVI canpionato... Buséta e Boton, Canpión! - St'ano el Canpionato l'è cambià par dar la possibilità a ci no g'a mai parteçipà de podér capìr el funsionamento del zugo. Semo passadi dai tri turni co' 7 dimande e un tempo de risposta de una stimàna a 5 turni, co' tre dimande al mese e un tempo de risposta de 30 giorni. La squadra "Buséta e Botón" che no la g'a mai parteçipà, l'è riussìa ne l'impresa de far el "triplete", vinsendo Canpionato, Premio barbarani e premio Simpatia, cossa mai sucessa in 26 edissioni. Le squadre vèce le s'a difeso bén, ma no iè mai riussìde più de tanto a darghe problemi ai novi canpioni, che iè riussìdi a gestìr al mèio i 5 turni. "Fritàia co' la Séola" co' çinque canpionati in scarsèla, l'è riussìdo a mantégnar el secondo posto dopo avér lota co' le onge e co' denti con "Le Madone" che propio nel quinto turno i-è rugolade al quinto posto, regalàndoghe "l'Asso de Cope". "Granfati!" canpión del 2023 l'è sempre restà incolà al podio, s'a catà in man el terso posto grassie a quanto sucesso ne la lota par el secondo posto. El "Premio Sécia" e sètimo posto a "Le Sgàlmare", con risposte sempre complete dimostrando "Sapiénsa". Al quarto posto "El Gnal de Passaroti" s'a difeso bén a la prima 'spariénsa. Le squadre "forèste" in fondo a la classifica, no iè riusside a dar el mèio. Un canpionato lóngo e co' dimande "càncare" ma che g'a visto un çèrto interesse anca da ci no g'a volù parteçipàr. Sperémo che ne l'edissión 27 ghe sia ancora piassè squadre in modo da podér tornàr a una premiassión in presensa. Invitémo i veronesi al prossimo Canpionato.... > Dimande e classifica finàl - La Redassion 19.05.2025
