XXVII canpionato... Le Ave Mate, Canpión! - St'ano el Canpionato l'è stà piassè duro dei altri ani, ma le squadre iè riusside a dar el meio. Semo tornadi al vècio regolamento con sié dimande par turno. La squadra "Le Ave Mate" l'è riussìa co' la so spariénsa nel "triplete", vinsendo Canpionato, Premio Barbarani e Premio Sécia. Le squadre vèce le s'a difeso bén, a parte Fritàja co' la séola co' çinque canpionati in scarsèla, finìa in zona retrocession. "L'Asso de Cope" l'è finìo par mèso punto ne le mane de "Granfati!". Al terso posto, i canpioni de la scorsa edission "Buseta e Boton" che ne l'ultimo turno iè scapussè su una dimanda. Grande risultado de la squadra "canadese" de i Ganassoni con un bel 8° posto. El premio Simpatia a "I du scarponi e 'na vessiga" par el nome veramente originàl. Un canpionato duro e co' dimande "càncare" ma che g'a visto un çèrto interesse anca da ci no g'a volù parteçipàr. Sperémo che ne l'edissión 28 ghe sia ancora piassè squadre in modo da podér tornàr a una premiassión in presensa. Invitémo i veronesi al prossimo Canpionato.... > Dimande e classifica finàl - La Redassion 02.06.2026
