Parlémo de "secondi", la cicia, quéla bona, che catémo su par le nostre montagne o ne le zone de campagna. L'importante l'è magnàr quél de le nostre tere. Par ci magna solo verdura ghe convién saltàr questa parte, anca se, no i sà cosa se perde. Brustolàr do fete de polenta co' vissìn un bèl tòco de brisòla in compagnia, l'è el massimo. Me racomando, al sangue o ben còta, l'importante l'è ciamàr che vegnémo a tastàr....
SPESSATÌN DE BRÒGNA
'Sa ghe vol:
- 1 kg de carne de pégora o agnelón de rassa Brogna (spala o còssa);
- 3/4 pomodori pelàdi
- 1 céola;
- un póco de parsémolo;
- 'na raméta de sgulmarìn
- 1 bicér de òio;
- sal.
Come far:
Taja a la cicia a tochéti no massa picenini. In una pignata alta 15 schèi udàr mèso bicér de oio. Zontàr la séola a fetìne sutìli, i pomodori pelà e fati a tochéti, el parsémolo e anca el sgulmarìn. Zónta la carne co' un póco de sàl. Quèrsi la carne co' de l'aqua e mèti el quèrciolo. E dèsso cósi a fógo basso par un par de ore sensa vèrzar la pignata. El spessatìn l'è pronto co' el so sughéto nel piàto magari co' polenta o purè de patate.
MANZO A L'AMARÓN
'Sa ghe vol:
- 1500 gr de polpa de manzo (bó),
- 1 çéola,
- 3 salamèle,
- 1/2 bicér de oio de oliva,
- 1 litro de Recioto Amarón,
- 3 cuciàri de farina,
- sal,
- péar.
Come far:
Nel çéntro de la cicia se ghe buta drénto carote e salaméle. Se liga la polpa de manso con un tòco de spago. Se trita la çéola e se la sofrìse con l'òio. Dopo averla passada ne la farina, se ciapa la cicia farçida nel sofrito e se ghe dà 'na rosolada col vin. Consàr el tuto con sal e péar. Lassàr cósar a téia quèrta e a fógo no direto par tri ore. Tajàr a fete el manso, se'l méte sul piato, e se spiansa con el pòcio (quel de cotura). Completàr con polenta o patate còte.
